बांधावरती येता का?

मुख्यमंत्री साहेब A/C मधून
बांधावरती येता का ?
काही नाही शेतकऱ्यांचे
दुखणे समजून घेता का?😢

तुमची बायको छान
अमिताभ सोबत नाचती आहे
बघा माझी कारभारीण
दिवस-रात राबती आहे
ऊन,वारा,पावसात देखील
ती माझी सोबती आहे
लोडशेडींग मूळं दारं धराया
रात्रभर ती जागती आहे
कुठल्या जन्माचे पाप
ती माझ्या सोबत भोगती आहे
कर्जमाफी करणार म्हणून
आशेनं वाट बघती आहे
तीने केलेल्या कष्टाला
हमीभाव ती मागती आहे

आमच्या सोबत डबक्यातले
अशुद्ध पाणी पिता का ?
मुख्यमंत्री साहेब A/C मधून
बांधावरती येता का ?
काही नाही शेतकऱ्यांचे
दुखणे समजून घेता का?😢

तुमचं पोरगं A/C मधून
कॉनवेंट मधे जातं
माहितीय का काटा टोचल्यावर
किती दुःख होतं?
बाळ माझं तसल्या काट्यांतून
भाकरी घेऊन येतं
पावसात,वीजात अंगावर
पांघरूण घेऊन पोतं
वासरु माझं झाडाखाली
भिजत बसून रहातं
आजारी पडून दोन दिवस
वाजवत रहातं दातं
कसे नेनार दवाखान्यात
पैसाच करतो घातं
मी आत्महत्या करू नये म्हणून रात्री
आंगावर माझ्या ठेऊन हातं
सोनूलं माझं मला
चीटकून झोपी जातं

माझ्या त्या वासराचे
आश्रु पुसून देता का ?
मुख्यमंत्री साहेब A/C मधून
बांधावरती येता का ?
काही नाही शेतकऱ्यांचे
दुखणे समजून घेता का ?😢

धान्य पिकवतो शेतकरी
भाव ठरवतो व्यापारी
तुम्ही आणि तुमचे दलाल
लावता आहात गळ्यास सूरी
सांगा साहेब ही
रीत वाटते का बरी ?
पिकवणाराच्या हातामधे
किती दिवस देणार तूरी ?

वामण अवतार सोडून
बळीराजा तुम्ही होता का?
मुख्यमंत्री साहेब A/C मधून
बांधावरती येता का ?
काही नाही शेतकऱ्यांचे
दुखणे समजून घेता का ?😢




शेतकरी असाल तर नक्की पुढे पाठवा 🙏🏻😢