‘सोफिया’ या यंत्रमानवाला सौदीनं नुकतंच नागरिकत्त्व बहाल

एखाद्या यंत्रमानवाला नागरिकत्त्व देऊ करणारा सौदी अरेबिया हा पहिलाच देश ठरला आहे.‘सोफिया’ या यंत्रमानवाला सौदीनं नुकतंच नागरिकत्त्व बहाल केलं. मानवानं यंत्रमानवाची निर्मिती केली. यंत्रमानवाच्या येण्यानं अनेक अवघड कामं सोपी झाली. हळूहळू हा यंत्रमानव अधिक स्मार्ट करण्याच्यादृष्टीने अनेक देशांतील वैज्ञानिकांनी प्रयत्न केले. मानवी भावना ओळखणे, त्याप्रमाणे प्रतिसाद देणं, त्याच्या आयुष्यातल्या अनेक गरजा भरून काढणं अशा वेगवेगळ्या पद्धतीचे बदल यंत्रमानवात करण्यात आले. त्यामुळे फक्त मालकानं दिलेली आज्ञा पाळणं एवढी भूमिका न बजावता त्यामागची भावना आणि उद्देश समजून मग त्यावर प्रतिसाद देण्याएवढा हा यंत्रमानव ‘स्मार्ट’ झाला.