Current Affairs Marathi

🔹राष्ट्रीय शिक्षण धोरणाचा अंतिम मसुदा तयार करण्यासाठी एक समिती गठित

वैज्ञानिक डॉ. के कस्तुरीरंगन यांच्या अध्यक्षतेखाली राष्ट्रीय शिक्षण धोरणाचा अंतिम मसुदा तयार करण्यासाठी समिती नेमण्यात आली आहे. समितीचे इतर 8 सदस्य आहेत.

गेल्या तीस महिन्यांपासून मनुष्यबळ विकास मंत्रालयामार्फत अभ्यास केला जात आहे. हजारो सूचना, शिफारसी, चर्चासत्र आयोजित करून व्यापक अभ्यासासाठी माहिती गोळा केली गेली आहे. MyGov व्यासपीठाचा यासाठी वापर करण्यात आला.

🔹तिरुवानंतपुरम येथे अनुयात्रा मोहिमेला सुरुवात

12 जून 2017 रोजी तिरुवानंतपुरम येथे भारताचे उपराष्ट्रपती हमीद अन्सारी यांच्या हस्ते विशेष गरजा असलेल्या व्यक्तींसाठी “अनुयात्रा” मोहिमेचे उद्घाटन करण्यात आले आहे.

“अनुयात्रा” मोहिम ही केरळ राज्य सरकारची अभिनव आणि महत्त्वाकांक्षी मोहीम आहे. जादूचे विशेष प्रशिक्षण मिळालेल्या शारीरिकदृष्ट्या-विकलांग बालकांच्या गटाला ब्रँड अम्बॅसडर केले गेले आहे. हा कार्यक्रम मॅजिक अकॅडेमीच्या सहकार्याने केरळ सोशल सेक्युरिटी मिशन (KSSM) कडून राबविण्यात येत आहे. यासाठी 31 कोटी रुपयांची तरतूद करण्यात आली आहे.

🔹सरकारची कृषिकर्जावर 2% व्याजदर आकारण्यास मंजूरी

मंत्रिमंडळाने वर्ष 2017-18 मध्ये शेतकरी समुदायांना स्वस्त कर्ज उपलब्ध करविण्यासाठी इंटरेस्ट सबव्हेशन स्कीम (ISS) मंजूर केली आहे. यासाठी 20,339 कोटी रुपयांचा निधी मंजूर केला आहे.

ISS नुसार, शेतकर्यांना 3 लाख रुपयांपर्यंत शेतकर्यांना त्यांच्या उत्पादनाची साठवणीसाठी सहा महिन्यांसाठी 7% इतक्या अनुदानित व्याजदराने अल्पकालीन पीक कर्ज आणि नियमितपणे कर्ज फेडणार्या शेतकर्यांना 4% व्याजदराने पीक कर्ज मिळणार आहे. तसेच नैसर्गिक आपत्तीमुळे प्रभावित शेतकऱ्यांना पुनर्रचित रकमेच्या पहिल्या वर्षासाठी 2% व्याजदराने अनुदान देण्याचा निर्णय घेतला आहे. 2006-07 सालापासून ISS योजना चावण्यात येत आहे. या योजनेची अंमलबजावणी राष्ट्रीय कृषि व ग्रामीण विकास बँक (NABARD) आणि भारतीय रिझर्व्ह बँक करीत आहेत. साधारणपणे, पीक कर्जावर 9% व्याजदर आकारला जातो.

🔹आरोग्य मंत्रालयाकडून तीव्र अतिसार नियंत्रण पंधरवडाचा शुभारंभ

आरोग्य आणि कुटुंब कल्याण मंत्रालयाने 14 जून 2017 रोजी अतिसारमुळे होणारे बाल मृत्यू कमी करण्याच्या प्रयत्नांमध्ये वाढ करण्यासाठी ‘तीव्र अतिसार नियंत्रण पंधरवडा (Intensified Diarrhoea Control Fortnight –IDCF)' चा शुभारंभ केला आहे.

जागतिक सर्वसामान्य स्तरापर्यंत देशातील बालकांचे आरोग्य सुधारून त्यासामान पातळीवर आणण्यासाठी मंत्रालयाने या कार्यक्रमाला राष्ट्रीय प्राथमिकता बनविला आहे.

आरोग्य कर्मचारी, राज्य सरकार आणि इतर हितधारकांना अतिसारच्या नियंत्रणात गुंतवणूक करण्यास प्राधान्य देण्यास उत्तेजन दिले जाईल. सर्वात प्रभावी आणि कमी-किंमतीच्या तोंडावाटे घेतल्या जाणार्या ओरल रिहायड्रेशन सॉल्ट (ORS) मिश्रीत पाणी आणि जस्तच्या गोळ्या यांचा उपयोग करण्याविषयी जागृती निर्माण केली जाईल. या कार्यक्रमांतर्गत संपूर्ण देशभरात 5 वर्षाखालील सुमारे 12 कोटी बालकांचा समावेश करण्यात येणार आहे.

कार्यक्रमामध्ये समाविष्ट बाबी
आशा कार्यकर्ता त्यांच्या गावात पाच वर्षाखालील मुलं-मुली असलेल्या कुटुंबांना ORS पॅकेटचे वाटप करणार.

शाळा आणि अंगणवाडी यासारख्या आरोग्य देखरेख केंद्रांच्या आणि गैर आरोग्य देखरेख केंद्रांच्या ठिकाणी ORS-झिंक कॉर्नरची स्थापना केली जाणार.
फ्रन्टलाइन कार्यकर्ता ORS चे पाणी तयार करण्याची विधी स्पष्ट करणार आणि खान-पान, स्वच्छता यासंबंधी समुपदेशन करणार.

▪️अतिसार बाबत स्पष्टता

अतिसार हा लहान बालकांना होणारा सर्वसामान्य आजार आहे. हगवणामुळे शरीरातील पाण्याची पातळी कमी होऊन मृत्युचा धोका संभवतो. मात्र, अतिसारमुळे होणारे जवळजवळ सर्व मृत्यू ORS मिश्रीत पाणी आणि जस्त (झिंक) च्या गोळ्यांचे सेवन करून टाळता येतात. सोबतच आहारामधून पुरेसे पोषक तत्व देणे आवश्यक आहे. सुरक्षित पिण्याचे पाणी, स्वच्छता, स्तनपान/योग्य पोषण आणि हात धुणे अश्या विविध पद्धतीतून अतिसार टाळता येऊ शकतो.

भारतात प्रत्येक वर्षी अंदाजे 10.1 लाख बालकांचा मृत्यू होतो आणि त्यात अतिसारमुळे होणारे मृत्यू अंदाजे 1.1 लाख इतके आहे.